Pagpasensyahan po ang aking matagal na pagkawala. Akala ko naisuka ko na lahat ng ampalaya sa sistema ko, hindi pa pala. Hindi pala ganun kadali malimot ang limang taong pagsasama. At hindi rin pala mabuti na hindi ilabas ang galit kasi nakakaloka.
Buti nakahanap ako ng paraan para unti-unting ilabas ang bitterness and at the same time makatulong pa sa kapwa (breakthrough in medicine itu!)
1. Kumuha ng isang tasang mainit na tubig.
2. Kawkawin at haluhaluing mabuti ang tubig gamit ang mga daliri.
3. Dasalan ng orasyon, murahin ang ex, mas malutong na mura, mas maigi.
4. Pag naging kulay tsaa na ang tubig, ready na ito para ipainom sa pasyente. Mabisang gamot sa diabetes.
5. Tawagin nyo na akong charantia.
Kung gusto nyo ng libreng gamot na ito, magmadali at kontakin ako now na. Malapit na kasi magexpire at maubos ang pait, salamat naman! (Indication: nakapagsulat na ulit ako! :p sana magtuloy-tuloy na, masaya na ko kahit sa once a week na post).
Posts
